نعت اکادمی کرناٹکا میں آپ کا خیر مقدم ہے

عرض مرتب
عزیز قارئین، السلام علیکم و رحمة الله و بركاته
اللہ کی رحمتیں اور برکتیں نازل ہوں۔ نعت اکادمی ، کرناٹک کی جانب سے آپ سب کو سید المرسلین خاتم النبیین رحمت اللعالمین مال کے 1500 ء میں یوم ولادت کی مبارکباد پیش کرتے ہیں ہمیں بہت خوشی ہے کہ آپ کے ہاتھ میں کرناٹک کے شاعروں کی نعتوں کا مجموعہ ہے۔ ہم نے حتی الامکان کوشش کی کہ ہر شاعر کو موقع ملے لیکن بدقسمتی سے ہم بہت سے شعراء کا کلام حاصل نہیں کر پائے ۔ ان شاء اللہ اگلے مجلے میں انہیں بھی شامل کیا جائے گا۔ ہم نے اردو رسم الخط اور رومن انگلش میں نعتیں شائع کی ہیں۔ ہماری کوشش ہے کہ نعت کے لطائف اور مطالعہ کی خوبصورتی کو اپنی نوجوان نسل تک پہنچایا جائے اور انہیں اس کی اہمیت سے

روشناس کرایا جائے۔ نعتوں کے علاوہ ہم نے اس مجلے میں حمد ، معجزات احادیث، درود شریف اور دعاؤں کو (اردو رسم الخط اور رومن انگلش ) بھی شامل کیا ہے تا کہ بچوں تک کچھ دینی معلومات بھی پہنچائی جاسکیں۔ ہماری نئی نسل کے بچے زیادہ تر انگریزی اسکولوں میں زیر تعلیم ہیں۔ اس لئے ہم نے رومن انگلش کا بھی سہارا لیا ہے ہمیں امید ہے کہ ہم اس کوشش میں کامیاب رہیں گے۔ اور ہماری نئی نسل کے نوجوان اس سے مستفید ہوں گے۔ ہم تمام نعتوں کی آڈیو اور ویڈیو بنانے کی کوشش کر رہے ہیں۔ اگر کوئی طالب علم اس سے فائدہ اٹھانا چاہے تو ہم سے رابطہ کرے ۔ آپ سب سے درخواست ہے کہ نعت اکادمی کے منصوبوں پر عمل آوری اور کامیابی کے لئے دعاء کریں اور نعت اکادمی کی فروغ کے لئے دامے درمے سخنے تعاون کریں۔ ہم چاہتے ہیں کہ یہ مجلہ ہر طالب علم تک پہنچے لیکن وسائل کی کمی کے سبب ہم اس سے قاصر میں آپ اگر چاہیں تو اس سلسلے کو آگے بڑھا سکتے ہیں۔
دعا گو
مبین منور
چیرمین نعت اکادمی کرناٹک

نعت اکادمی کرناٹکا آن لائن مشاعرہ اور نعت خوانی کی محفلیں بھی سجائے گی۔ دراصل اکادمی فن کاروں اور شاعروں کے درمیان جو علاقائی فاصلہ حائل ہے، شوسل میڈیا کے ذریعہ ان فاصلوں کو پاٹنے کی کوشش میں ہے ۔ اس طرح وہ ایک دوسرے سے جڑتے جائیں گے، آپسی رابطہ قائم ہونگے اور اس طرح زبان وادب کو فروغ ملے گا ،وہیں جذبہ اخوت اور بھائی چارہ بھی پروان چڑھے گا۔